看陳雲的書, 總覺得有點滑稽, 滑稽不是說他的政治評論, 而是他說自己修道, 言語間有時自稱貧道, 但分析時事, 卻常常用上法家的法術勢, 好像修的是黃老之術, 多於真的歸宗道家. 最近的政治風波, 看來陳生又有好好的評論題材. 想不到王永平及陳祖澤高些AO系的前高官也出來指點一番, 尤其是以前頗低調的平叔, 差不多要說到出口: "這是政治問題, 蠢材" . 要質疑的, 不是各位副局長及政治助理的學歷, 更不用說甚麼經驗與學問之間的對立關係, 而是整件事的處理手法, 政府都是七, 七在錯估/ 低估/ 質質膊唔多覺公眾的愛國心, 七在無腦兼閃閃縮縮. 所謂的政治助理同副局長, 請番黎係協助局長做政策解畫, 但這些拆彈專家而家身上都有幾個炸彈搞唔掂, 你叫大眾點信距地有料? 仲要一個政治助理坐底都d3人工, 你叫班係政府磨左十幾廿年都係十幾皮的"高官"點會服氣, 分分鐘一個政治助理仲高人工過一個署長, 你估邊d人最多聲出, 睇下王生同陳生就知啦. 本來這次新增職位, 只係問責局長的伸延措施, 要郁既係公務員系統, 將距地逐步變成執行決策的機器, 減低決策能力, 同廢相差唔多, 董一搞問責高官, 陳方安生無耐就辭職, 而家連以前司局級官員都出黎插把咀, 就知邊d人最怕第時俾人邊緣化. 政府最講資歷, 我諗好多人都對曾仔的奇遇又妒又恨吧. 最開心就係北京, 前朝既遺臣狗咬狗骨, 連個制度都就黎搞到七國甘亂, 去殖化? it's possible! 得左. 不知曾仔是如傳言所描剛愎自用, 還是心戰室的顧問偶有所失, 這次風波愈弄愈大, 實在難看. 香港現在的政制, 實在奇異, 或許重要的是制度的改變, 而不是香港某些政治評論員日講夜講的形象或者對政治化妝的迷信, 香港不需要obama, 需要的是對政制的徹實檢討或撥亂反正.
講開obama, 最近常常聽到we need change, america needs change, obama終於解決希拉利, 正式成為民主黨總統參選人, 不過距都唔係贏好多, 點樣處理希拉利, 吸埋距d票源好重要. 尤其係obama同麥凱恩的政策主張南轅北轍, 輸贏好難講, 一陣好似2000年台灣選舉甘就唔抵. 和美國一樣需要change的, 可能還有日本, 木村新劇就用上change做劇名, 大講木村怎樣由一個小學教師變成一個好的內閣總理大臣. 容許我以偏概全, 或許日本人真的厭倦了派閥主宰的小政壇 (說小是因為日本基本上是由自民黨獨大, 號稱一個半黨) 無論是我記憶所及的橋本龍太郎到小泉純一郎的早期小陽春, 到安倍晉三的極度失敗至現在穩陣派的福田康夫, 除了福田康夫無啦啦發大達外, 基本上日本的經濟都沒大起色, 或許如劇中所演, 大家都是"吼"著內閣總理大臣這個位, 已不是真的想振興日本, 才會有這個糊里糊塗的傻小學教師傻更更的當上總理大臣, 而行事又完全無事政治規則的灰姑娘故事吧.
change, 可能是今年的主題吧!
文章
沒有留言:
發佈留言